Michel de Montaigne var millum teir størstu heimspekingarnar í 16. øld.
Ein søgumaður hevur lýst árið 1580 sum ódnareygað. Eitt andarhald við stokkutari logn, tá ið tey ógvisligu trúarkríggini í Fraklandi eru í ferð við at skifta úr einum skeiði í eitt annað. Júst hetta árið gevur Montaigne út fyrsta upplagið av sínum Essayum.
Michel de Montaigne (1533-1592) vaks upp á borgini Montaigne tvær míl eystan fyri Bordeaux. Ættin var múgvandi yvirstætt, og Michel fekk eina nútíðar uppaling tá í tíðini. Eftir løgfrøðiútbúgving skapti hann sær eitt navn í løgfrøðiligari og politiskari yrkisleið og sat í høgum embætismannastørvum eftir ættarsiðvenjuni.
Seinni loysti hann seg úr hesum størvum og tók seg aftur til borg sína og fór at skriva sínar persónligu hugleiðingar, sum hann kallaði essay. Við hesum skapti Montaigne eitt nýtt tekstslag.
Enn eftir 400 árum er ríka verkið hjá Montaigne tíðarbærur og umráðandi lesnaður.
Montaigne fór at skriva í 1571, og essayini gjørdust so við og við 107 í tali, men hann helt á at evna tey til og fullfíggja tey fram til sín deyða.
Nú koma tey út á fyrsta sinni í síni heild á føroyskum í týðing eftir Eilif Samuelsen.
Hetta er annar parturin av trimum; tann fyrsta gav forlagið HEMLIÐ út í 2021.